Հայկական բանակը իշխող նոր դիրքեր գրաւած է Նախիջեւանի սահմանին վրայ

By Asbarez | Wednesday, 02 July 2014

«Հորիզոն».- Յունիսի սկիզբը, ատրպէյճանցիներուն համար անսպասելի եւ անակնկալ զինուորական արագընթաց գործողութեամբ մը, հայկական բանակը Նախիջեւանի սահմանին վրայ յառաջացած եւ իշխող դիրքեր ու բարձունքներ գրաւած է: Հայկական կողմին վերահսկողութեան տակ անցած է հարիւր քառակուսի քիլոմեթր տարածութիւն մը, որ մինչ այդ վերահսկման տակ չէր՝ բարդ աշխարհագրութեան եւ կլիմայական պայմաններու պատճառով: Նշենք, որ քարտէսով այդ տարածութիւնը Հայաստանին կը պատկանի, սակայն մշտական զինուորական դիրքեր եւ պահակակէտեր չկային այնտեղ:

Ատրպէյճանի պաշտպանութեան նախարար զօրավար Զաքիր Հասանով Յունիս 25ին ատրպէյճանական «ԱՆՍ» գործակալութեան հետ հարցազրոյցի ընթացքին հաստատած է, որ հայկական զինուած ուժերու ստորաբաժանումները նոր դիրքեր գրաւած են սահմանագիծին վրայ:

«Ռազմինֆօ» լրատուական ցանցի հրապարակած լուսանկարները ցոյց կու տան, թէ հայկական պահակակէտերը աւելի նպաստաւոր եւ բարձր դիրքի վրայ են: Ատրպէյճանական զինուորներու խրամատներ յստակօրէն կը տեսնուին հայկական նոր դիրքերէն:

Նախիջեւան քաղաքը այս դրութեամբ կը գտնուի հայկական սահմանէն 30 քիլոմեթր հեռաւորութեան վրայ:

comments

More headlines

Աւստրալահայ համայնքը #TogetherForSyria Telethon հանգանակեց աւելի քան $110,000 տոլար Սուրիահայութեան համար

ՀՅԴ Բյուրոյի հայտարարությունը

ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները

Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են

Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է

Ալիեւ Հայաստանը Կը Զգուշացնէ Սադրանքներու Դիմելէ

Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան

Ատրպէյճան Կը Ծրագրէ Բերձորի Եկեղեցին Մզկիթի Վերածել

Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը

Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ