By Aztag Daily | Thursday, 03 August 2023
Միացեալ Նահանգներ տեղեակ են «Լաչինի միջանցքի անցակէտին վրայ Վագիֆ Խաչատրեանի կալանաւորման մասին: Վերջինս մարդասիրական միջազգային կազմակերպութեան ուղեկցութեամբ կը տեղափոխուէր Հայաստան` բուժման նպատակով», յայտնած է Միացեալ Նահանգներու արտաքին գործոց նախարարութիւնը` ի պատասխան «Ամերիկայի ձայն»-ի հայկական ծառայութեան հարցումին:
Արտաքին գործոց նախարարութիւնը աւելցուցած է, որ ընդհանուր առմամբ, «Միացեալ Նահանգներ կը շարունակեն խորապէս մտահոգուած ըլլալ Ազրպէյճանի կողմէ Լաչինի միջանցքը առեւտրական, մարդասիրական եւ սեփական ինքնաշարժներու համար շարունակաբար փակ պահելու վերաբերեալ»:
Ըստ Միացեալ Նահանգներու արտաքին գործոց նախարարութեան, մարդասիրական տեղաշարժի դադրեցումն ալ աւելի կը վատթարացնէ մարդասիրական իրավիճակը եւ կը խափանէ խաղաղ հոլովոյթին նկատմամբ վստահութիւն ձեւաւորելու ջանքերը:
«Առեւտրական, մարդասիրական եւ սեփական մեքենաներու Լաչինի միջանցքով ազատ տեղաշարժը պէտք է անյապաղ վերականգնուի», կը նշուի արտաքին գործոց նախարարութեան արձագանգին մէջ:
«Մենք հետեւողականօրէն կը պնդենք, որ շրջանին մէջ խաղաղութիւնը պէտք է ներառէ Լեռնային Ղարաբաղի բնակչութեան իրաւունքներու եւ անվտանգութեան պաշտպանութիւնը: Մենք կ՛ողջունենք երկխօսութիւնը, որ կ՛առաջնորդուի այս նպատակով», ընդգծած է Միացեալ Նահանգներու արտաքին գործոց նախարարութիւնը իր պատասխանին մէջ:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
